Кондак 1

Взбранной Воеводе и благой Воспитательнице рода христианскаго,/ яко иэбавльшеся от элых,/ благодарственная восписуем Ти раби Твои,/ но яко имущая державу непобедимую,/ от всяких бед чада моя свободи, да со слезами зову Ти://

Воспитай, Владычице, чада моя достойна Небеснаго Царствия и наследники вечных благ сотвори я.

Икос 1

Ангела с небесе послати чадом моим исходатайствуй, Пресвятая, у Сына Твоего и Бога, якоже и Te6е послан бысть хранитель прекрепкий Гавриил Архангел, и сподоби мя вэывати Тебе сице:

Воспитай чада моя во еже быти им земнии ангели.

Воспитай чада моя во еже быти им небеснии человецы.

Воспитай чада моя во еже быти им Твои раби.

Воспитай чада моя выну зовуща Тебе: “Радуйся, Благодатная, Господь с Тобою”.

Воспитай, Владычице, чада моя достойна Небеснаго Царствия и наследники вечных благ сотвори я.

Кондак 2

Видяще мое матернее моление о чадех моих, у Тебе Единей помощи просяще, возьми я под Свой честный и милосердный покров, да воззовут Богу: Аллилуйя.

Икос 2

Разум чадом моим посли, како добре Ти послужити, и исполни сердца их небесныя премудрости. Подаждь ея едину возлюбити, земная же паче презрети, и не возбрани устом моим вопияти Ти таковая:

Воспитай чада моя мудры, яко змии и просты, яко голубие.

Воспитай чада моя имуща разум на добрая и не имуща на грех.

Воспитай чада моя премудра противу козней диавольских.

Воспитай чада моя устрояюща мудре житие свое по образу святых.

Воспитай чада моя, питающе я млеком сокровенныя премудрости Божия, да взыскуют ю во всем житии своем.

Воспитай, Владычице, чада моя достойна Небеснаго Царствия и наследники вечных благ сотвори я.

Кондак 3

Сила Вышняго да осенит чада моя Твоего ради неусыпнаго предстательства пред Сыном Твоим, сего ради, познавше Твое матернее милосердие ко всем, с верою к Богу притекающим, да воззовут к Нему: Аллилуйя.

Икос 3

Имущи от Бога чада моя, не хощу узрети их в муце вечней, но паче в Книзе Живота написанных и живот вечный наследящих. Сего ради, Пречистая, приклони ухо Твое к молению рабы Твоея, взывающия:

Воспитай чада моя, во еже избегнути им вечных мук.

Воспитай чада моя, во еже наследовати им живот вечный.

Воспитай чада моя, во еже тещи им путь жития своего в покаянии.

Воспитай чада моя в трудех стяжающа благодать Духа Святаго.

Воспитай чада моя употребляюща усилие восхитити Царствие Небесное.

Воспитай чада моя, во еже быти им написана в Книзе Животней.

Воспитай, Владычице, чада моя достойна Небеснаго Царствия и наследники вечных благ сотвори я.

Кондак 4

Бурю внутрь имея помышлений сумнительных и хотящи чадом моим живот вечный наследити, со слезами молю Тя, да воспомянув Твоя милости пребогатыя, во уповании и умилении сердца пою Сыну Твоему: Аллилуйя.

Икос 4

Слышащи глас Твой глаголющий Сыну Твоему: “Ихже дал еси Ми в удел, во веки сохраняй”, простираю руце мои и сердце к Твоему милосердию, да сотвориши чада моя рабы Твоя и вонмеши прошениям моим таковым:

Воспитай чада моя в уделе Твоем пресвятом.

Воспитай чада моя со всеми святыми Твоими.

Воспитай чада моя шествующа узким путем заповедей Сына Твоего во Иерусалим горний.

Воспитай чада моя ищуща помощи у Тебе Единей.

Воспитай чада моя, во еже живот вечный восприяти им.

Воспитай, Владычице, чада моя достойна Небеснаго Царствия и наследники вечных благ сотвори я.

Кондак 5

Свет невечерний, сиречь Сын Твой, Пресвятая Дево, да возсияет в сердцах чад моих, во еже воззвати им Богу: Аллилуйя.

Икос 5

Видящи мое прилежное моление, во славу Твою возносимое, аки фимиам благовонный, не отврати лица Твоего от моих чад, аще они отвратятся Тебе, но паче услыши глаголы уст моих, вопиющих Ти:

Воспитай чада моя нища духом, яко тех есть Царство небесное.

Воспитай чада моя плачуща, яко тии утешатся.

Воспитай чада моя кротка, яко тии наследят землю.

Воспитай чада моя алчуща и жаждуща правды, яко тии насытятся.

Воспитай чада моя милостива, яко Tии помиловани будут.

Воспитай чада моя чиста сердцем, яко тии Бога узрят.

Воспитай чада моя миротворцы, яко Tии сынове Божии нарекутся.

Воспитай, Владычице, чада моя достойна Небеснаго Царствия и наследники вечных благ сотвори я.

Кондак 6

Проповедует мир весь христианский всегдашнее заступление Твое сирот, вдовиц и матерей, о чадех своих молящих и вопиющих Богу: Аллилуйя.

Икос 6

Возрасти лучами благодати в душе чад моих просвещение от Тебе свыше, да узрят путь, ведущий в живот вечный, и последуют по нем, окормляемыя Твоим всемогущим покровом, в Церковь Сына Твоего, идеже жизнь безконечная, и сего ради услыши мене, зовущу Тебе сице:

Воспитай чада моя светом мира, да светит свет их пред людьми, да видяще их добрыя дела, прославят Отца Небеснаго.

Воспитай чада моя просвещением Сына Твоего, да во свете Его узрят светь и направят стопы своя к Нему.

Воспитай чада моя выну обращающа очеса сердца своего к Создателю всяческих.

Воспитай чада моя, путеводствуя звездою утреннею, яже есть Сын Твой, в обители праведников.

Воспитай чада моя кротка, молчалива и трепещуща словес Божиих.

Воспитай чада моя любяща Тя и Сына Твоего не токмо умом, но и сердцем.

Воспитай, Владычице, чада моя достойна Небеснаго Царствия и наследники вечных благ сотвори я.

Кондак 7

Хотящи чадом моим вечнаго спасения, со слезами предстою пред честною Твоею иконою, Владычице, да не презриши моления моего и мене, к Сыну Твоему взывающия: Аллилуйя.

Икос 7

Дивными и неисследимыми судьбами Сына Твоего привлецы чада моя милостивою рукою под Свой благодатный покров, да со усердием зову Ти:

Воспитай чада моя ищуща прежде Царствия Божия и правды Его.

Воспитай чада моя ходяща тесными враты, ведущими в живот вечный.

Воспитай чада моя на всяком месте творяща волю Сына Твоего и Бога нашего.

Воспитай чада моя ищуща наследити Небеснаго Царствия.

Воспитай чада моя не глаголюща ниже помышляюща хулы на Духа Святаго.

Воспитай чада моя, во еже быти им в малем числе избранных Твоих.

Воспитай, Владычице, чада моя достойна Небеснаго Царствия и наследники вечных благ сотвори я.

Кондак 8

Странствующе в юдоли сей земной и многомятежной, чада моя идеже обретут отраду и утешение, аще не в Тебе, Пречистая? Спутешествуй же им и настави их на путь истинный, да зовут Богу: Аллилуйя.

Икос 8

Всем еси Мати милующая Ты, Владычице, и хощу да пребудеши Ею чадом моим. Се, вручаю их Тебе и во смирении молю Тя:

Воспитай чада моя бодрствующа и молящася, да не впадут во искушение.

Воспитай чада моя милосердна, якоже милосерд Отец наш Небесный.

Воспитай чада моя во умилении младенчестем, яко таковых есть Царствие Божие.

Воспитай чада моя меньша всех, да будут велика пред Богом.

Воспитай чада моя соблюдающа Слово Божие, причастники блаженства райскаго их содеявая.

Воспитай чада моя благонадежна для Царствия Небеснаго.

Воспитай, Владычице, чада моя достойна Небеснаго Царствия и наследники вечных благ сотвори я.

Кондак 9

Всякаго добра души и сердца их исполняющи, отжени от них духа злосмраднаго безбожия, подающи от щедрот Твоих всем и коемуждо по потребе, да зовут Богу: Аллилуйя.

Икос 9

Ветий суемудренных общения, глаголющих лжу на Твое всемощное заступление, избави их и призри на мя, верно вопиющую:

Воспитай чада моя зело противящася безбожником.

Воспитай чада моя крепко стояща противу богоненавистных учений.

Воспитай чада моя не приемлюща духа сынов противления.

Воспитай чада моя бегающа утех мирских и прелести мира сего.

Воспитай чада моя уклоняющася от зла и творяща благо.

Воспитай чада моя любяща и молящася о вразех своих.

Воспитай, Владычице, чада моя достойна Небеснаго Царствия и наследники вечных благ сотвори я.

Кондак 10

Спасти хотя мир. Сын Твой сниде с небесе призвати не праведныя, но грешныя на покаяние. Сего ради моли Сына Твоего о чадех моих, да спасеннии Тобою воззовут Богу: Аллилуйя.

Икос 10

Стеною несокрушимою стани, Царице Небесная, чадом моим, да под Твоим благодатным покровом возмогут содеяти множество благих дел, да и с ними зову Ти сице:

Воспитай чада моя ведуща творити волю Сына Твоего и Бога нашего.

Воспитай чада моя ненавидяща грех и всякое беззаконие.

Воспитай чада моя любяща добро и всяческую добродетель.

Воспитай чада моя в чистоте непорочней.

Воспитай чада моя обращающа в бедах очеса своя к Твоему милосердию.

Воспитай чада моя служаща Тебе в послушании и целомудрии.

Воспитай, Владычице, чада моя достойна Небеснаго Царствия и наследники вечных благ сотвори я.

Кондак 11

Пети Твое необоримое заступление выну сподоби чада моя и Твоею благодатию отверзи уста их вопияти Богу: Аллилуйя.

Икос 11

Светоприемною свещею свыше, истаявающею день и нощь от любве к Тебе и Сыну Твоему и ближнему, живот их сотвори и не презри мене, зовущу Ти:

Воспитай чада моя, да любят Тебе всем сердцем своим и всем помышлением.

Воспитай чада моя выну взирающа на крест и страдание Сына Твоего.

Воспитай чада моя отверзающа уста своя токмо к похвалению и прославлению благости Твоея.

Воспитай чада моя в слезном чаянии пришествия Сына Твоего.

Воспитай чада моя в непрестаней молитве и трезвении.

Воспитай чада моя выну Тебе предстояща в благоговении.

Воспитай чада моя добрый плод творяща.

Воспитай, Владычице, чада моя достойна Небеснаго Царствия и наследники вечных благ сотвори я.

Кондак 12

Благодатию неизреченною Духа Святаго напитай сердца чад моих, во еже возлюбити им Сына Твоего и Бога нашего и Тебе, Преблагая, да зовут Царю всяческих: Аллилуйя.

Икос 12

Воспевающи милосердие Твое, имже милуеши и питаеши чада моя, вопию Ти, да не престанеши молити о них Сына Твоего, верую бо: вся Ты можеши, и да исполниши моления моя таковая:

Воспитай чада моя исполнена Духа Святаго.

Воспитай чада моя, яко да на Страшнем Судищи Сына Твоего одесную поставлени будут.

Воспитай чада моя живуща в святости.

Воспитай чада моя благодатию Духа Святаго твердо на вернем пути пребывающа.

Воспитай чада моя алчуща и жаждуща осенения Духа Святаго.

Воспитай чада моя совершенна, яко совершен Отец наш Небесный.

Воспитай, Владычице, чада моя достойна Небеснаго Царствия и наследники вечных благ сотвори я.

Кондак 13

О Всепетая Мати Иисуса Сладчайшаго! Приими cиe малое акафистное моление о чадех моих в воню благоухания, возми я под Твой благодатный покров, даруй им мыслити, ведати, слышати, глаголати и творити вся, яже к Te6е и Сыну Твоему влекущая и ко спасению содействующая. И посли им в житии сем привременнем вся ко спасению душ их наставляющая, да зовут Богу: Аллилуйя.

Икос 1

Ангела с небесе послати чадом моим исходатайствуй, Пресвятая, у Сына Твоего и Бога, якоже и Te6е послан бысть хранитель прекрепкий Гавриил Архангел, и сподоби мя вэывати Тебе сице:

Воспитай чада моя во еже быти им земнии ангели.

Воспитай чада моя во еже быти им небеснии человецы.

Воспитай чада моя во еже быти им Твои раби.

Воспитай чада моя выну зовуща Тебе: “Радуйся, Благодатная, Господь с Тобою”.

Воспитай, Владычице, чада моя достойна Небеснаго Царствия и наследники вечных благ сотвори я.

Кондак 1

Взбранной Воеводе и благой Воспитательнице рода христианскаго,/ яко иэбавльшеся от элых,/ благодарственная восписуем Ти раби Твои,/ но яко имущая державу непобедимую,/ от всяких бед чада моя свободи, да со слезами зову Ти://

Воспитай, Владычице, чада моя достойна Небеснаго Царствия и наследники вечных благ сотвори я.

Молитва

О Пресвятая Владычице Дево Богородице, спаси и сохрани под кровом Твоим моих чад (имена их), всех отроков, отроковиц и младенцев, крещеных и безымянных, и во чреве матери носимых. Укрой их ризою Твоего Материнства, соблюди их в страхе Божием и послушании родителям, умоли Господа Моего и Сына Твоего, да дарует им полезное ко спасению их. Вручаю их Материнскому смотрению Твоему, яко Ты еси Божественный покров рабом Твоим.